काही विस्कळीत प्रश्न

काही विस्कळीत प्रश्न

विषय - स्विस बँक

१. स्विस बँकेतला सगळा पैसा काळाचं असतो का ?

२. स्विस बँकवाले ," आमच्या येथे काळे पैसे स्वीकारले जातात" अशी जाहिरात करतात का ?

३. स्विस बँकेची भारतात शाखा आहे का ?

४. स्विस बँकेत खातं उघडायला कुठली कागदपत्र लागतात ?

विषय - आंतरराष्ट्रीय बाजार

१. आंतरराष्ट्रीय बाजार नक्की कुठे भरतो ?

२. या बाजारात मोलभाव होतो का ? की "एकच भाव" अशी पाटी असते ?

३. अमेरिकेचा माल विकला गेला नाही म्हणजे 'आर्थिक मंदी ' असा नियम आहे का ?

विषय - महागाई

१. तेलाचे भाव वाढले तरी महागाई वाढते , कमी झाली तरी वाढते, असं का ?

२. महागाई दराला अप्पर कट ऑफ का नसतो ?

३. स्थिर महागाई दर म्हणजे काय ? शेवटी महागाई ती महागाईचं ना ?

४. महागाई दरासारखा 'स्वस्ताई दर' सुद्धा मोजतात का ? की मोजता येत नाही इतका कमी असतो ?

विषय -स्विस बँक,आंतरराष्ट्रीय बाजार,महागाई आणी भारत सरकार

१. भारत सरकार स्विस बँकेची भारतात शाखा उघडून सगळा काळा पैसा तिथेच का ठेवत नाही ?

२. आंतरराष्ट्रीय बाजार भारतात भरवून संसदेतले सगळे नमुने तिथे विकायला का ठेवत नाही ? जाहीर लिलाव केला तरी चालेल !

३. महागाई जर कायमच राहणार असेल तर तिला भारताचे नागरिकत्व देण्यास काय हरकत आहे ?