टीम इंडिया मिशन २०१९

कोहलीचा सकाळी सकाळी "टीम इंडिया मिशन २०१९" या व्हाट्स ऍप ग्रुपवर मॅसेज,

"पोट्टेहो, आयपीएल संपली. आता नाचगाने बंद करा सायचेहो. उद्या सकाळी पाच वाजता मले सारे मैदानात पाहिजे..."

तिकडून विजय शंकरने लगोलग अंगठ्याची स्मायली 👍🏻पाठवून दिली.

केदार जाधवचा पण लगेच रिप्लाय..."हाव भाऊ..येतो"

बाकी कोनीच अजून मॅसेज वाचला नाही हे पाहून कोहली चिडला.

"मॅसेजही वाचून नाही राहिले ना पोट्टे.... माया दिमाग खराब करू नका"

"भाऊ चिडू नका भाऊ...मी उठवतो साऱ्यायले..", केदार जाधव

स्क्रीनवर रोहित इज टायपिंग असा मॅसेज दिसतो.

"भाऊ..ते बघा..रोहित उठला वाट्टे.."

"अन बाकीचे?...झोपूनच राहा लेकहो.. नेतच नाही कोनाले"

तेवढ्यात रोहितचा रिप्लाय आला..

"काय लावलं बे विराट? 😤😤 कालच तं संपली आयपीएल. थांब ना दोन-चार दिवस..मंग करू सुरु प्रॅक्टिस.."

"दोन--चार दिवस ???😡😡😡 अबे पंधरा दिवसावर आलं ना वर्ल्डकप.."

"मंग काय होते? अन तुले काय बे..तू पहिल्याच राउंडले बाहेर पडला आयपीएलमधून. तुया बम्म आराम झाला अशीन 😂😂😂"

"होबासक्या करू नको रोहित..🤬🤬😡😡व्हाईस कॅप्टन केलं तुले यावेळेस लेका..पोट्ट्यांसमोर सांभाळून बोलत जाय.."

"हाव भाऊ..."

"गपचूप ये उद्या पाच वाजता.."

"परवापासून येतो ना बे विराट? एक दिवस तं झोपू दे लेका.."

"युच नको मंग तू 😡😡"

तेवढयातं स्क्रीनवर xxxxxxxxxxx इज टायपिंग असं दिसतंय..

"भाऊ..रोहित येत नशीन तं मी यु का?😍😍"

"हा कोन व्हय बे?🤔🤔", रोहित

"भाऊ..हा ऋषभ पंत हाय", केदार जाधव

"याले कोनी घेतलं गृपमदे?", रोहित

"मी तं नाही घेतलं बा..", विराट

"😳😳याडमीन तं तूच हायेस बे विराट?"

"ते मालूम हाय मले..पण मी नाही याड केलं ह्याले. फोन हॅक झाला वाट्टे माया.."

"फोन कसा हॅक होईन बे?", रोहित

" इथं इव्हीएम पन तं हॅक होते म्हनतेंत", विराट..

"भाऊ तसं नाही ते..त्याले मी याड केलंत खूप आधी. आधी या ग्रुपचं नाव "मैं भी वर्ल्डकप खेळुंगा" असं होतं तेंव्हा मी याडमीन होतो. मंग तुमी टीम निवडली अन ग्रुपचं नाव बदललं. ह्याले काढायचं राहिलं बहुतेक..", दिनेश कार्तिक.

"च्या मायबीन !!😱😱" विराट

"अबे पन त्यानं स्वतःहून तं बाहेर पडायचं ना मंग.. का गणपतीचा भंडारा व्हय हा ग्रुप म्हन्जे??😠😠"

"भाऊ..चुकलं भाऊ," ऋषभ पंत

"चूप राय तू"

"भाऊ...मी काय म्हंतो... आता गृपमदे आहो तं जमवा ना माया वर्ल्डकपचा जुगाड!!", ऋषभ पंत.

"अबे कोन हाय बे हा? मायला मी काय आधार कार्ड वाटून राहिलो का हिथं ? जुगाड जमवा म्हंते..😠😠😡"

"भाऊ..काढा त्याले बाहेर.."

विराट त्याला बाहेर काढतो.

"अन काबे विराट..साल्या आम्हाले उठवलं.. त्या धोनीले काऊन नाही उठवत?"🤨, रोहित

"तो कधीच उठला हाये..", विराट.

" तुले कस माहिती?", रोहित

"मंग तुले का वाट्टे मले कोनी उठवलं?? सकाळी त्याचाच फोन आलंता..", विराट

"हे घ्या च्या मायबीन..हा आमचा कॅप्टन!!🤣🤣"

"परत होबासक्या...उद्या भेट सायच्या मैदानात.."

"अबे पन कोंच्या मैदानात या लागते ते तं सांग.."

"शास्त्रीमामाले इचारून मॅसेज टाकतो मी", विराट..

"हे पहा रे पोट्टेहो..हा आपला कॅप्टन..ह्याले उठवते धोनी..सांभाळते शास्त्री...ह्यापेक्षा मले कॅप्टन करा तुमी..😍😍😂😂"

"हाव भाऊ...माया सपोर्ट आहे तुमाले😄😄", दिनेश कार्तिक

"मायापन...😂😂", केदार जाधव..

"शानपणा करू नका सायचेहो... ऋषभ पंत अन रायडूले घेऊन जाईन तुमच्या जागी..", विराट

"नाही भाऊ...तुमीच भाऊ..तुमीच..मजाक केली भाऊ..", दिनेश कार्तिक..

"एकच वादा...कोहली दादा..🕺🏻🕺🏻", केदार जाधव

"उद्या या मंग सकाळी.."

"हाव भाऊ..", रोहित, दिनेश, केदार..

समाप्त..

चिनार

विराट, आयपीएल आणि वर्ल्डकप

क्रिकेट वर्ल्डकप तोंडावर आले असताना आयपीएलला प्राधान्य देऊन ती स्पर्धा आयोजित केल्याबद्दल बीसीसीआयचे हार्दिक अभिनंदन ! अर्थात कितीतरी धनाढ्यांचे हितसंबंध आयपीएलमध्ये गुंतले असताना वर्ल्डकपसारख्या टुकार स्पर्धेचे शुल्लक कारण देता येत नसते ह्याची मला कल्पना आहे.

तर आयपीएल आता रंगात आलेली आहे. आता आमच्यासारखे पूर्वग्रहदूषित आणि प्रतिगामी लोकं आयपीएल बघत नाहीत त्याचा आयपीएलच्या लोकप्रियतेवर घंटा फरक पडत नाही. (हो हो आम्हीच ते आयपीएल सामना सुरु असताना 'तूला पाहते रे' किंवा 'तारक मेहता का उलट चष्मा' बघणारे.)

तर आयपीएलमध्ये कोण खेळतंय, कसं खेळतंय आणि का खेळतंय ह्याने आम्हालाही घंटा फरक पडत नाही.

आयपीएलमध्ये रॉयल चॅलेंजर्स बंगलोर हारू दे किंवा बार्शीटाकळी इलेव्हन जिंकू दे, आम्हाला त्याचे सोयरसुतक नाही.  ह्यातल्या कोणत्याही बातमीवर आम्ही 'हा तो उसका क्या?' अशीच रिएक्शन देणार.

पण पण पण...

आज सकाळी पेपर वाचताना आमच्या विराट कोहलीचा रागीट चेहऱ्याचा एक फोटो नजरेत आला. आता ह्यात फारसं नवल ते काहीच नाही. विराटचा शेवटचा हसताना दिसला होता तो  म्हणजे आईच्या पोटात असताना विसाव्या आठवड्यातील सोनोग्राफीच्या रिपोर्टमध्ये! विराट अगदी तान्हा असताना झोपेतसुद्धा हासायाचा नाही. तान्ह्या बाळांना झोपेत सटवाई हसवते असं म्हणतात. पण विराट म्हणे त्या सटवाईलाच घाबरावयाचा.

असो.

 तर विराटचा पेपरमधील रागीट चेहरा यावेळी जरा वेगळा वाटला म्हणून ती बातमी वाचायला घेतली. तर विराट नेतृत्व करत असलेली रॉयल चॅलेंजर्स बंगलोरची टीम ह्यावेळी ओळीने सहा सामने हारली म्हणे. त्यामुळे विराट चिडला आणि त्याने स्वतःच्याच बॉलर्सवर तोंडसुख घेतलं. आणि ह्या बातमीच्या शेजारीच 'विराटच्या नेतृत्वावर प्रश्नचिन्ह!' अशी बातमी छापलेली होती.

(बाकी आयपीएलमधल्या सिमेंटने प्लास्टरिंग केलेल्या पिचेस, त्यावर कुठेतरी वळतील या आशेने बॉल आपटू आपटू हतबल झालेले बॉलर्स आणि एकंदरीत बॉलिंगचा दर्जा हा एक स्वतंत्र लेखाचा विषय आहे. त्याविषयी नंतर कधीतरी) 

मी काय म्हणतो विराट, ती आयपीएल जाऊदे गाढवाच्या गावाला !

ह्यावर विराट म्हणेल, जी स्पर्धा मुळातच गाढवाच्या गावात भरवल्या जाते तिला तिथंच कसं पाठवणार?

अरे राजा मग तू तिथून वापस ये ना.. हे बघ मोदींविषयी विचारू शकत नसलो तरी तुझ्याविषयी आम्ही विचारू शकतोच !!

इफ नॉट विराट, देन हू ????

तूच आहेस रे बाबा..तुमरे बिन हमरा कौनो नहीं..

अरे आठव आठव, आपण कर्णधारपदाची धुरा कोणाकडून स्वतःच्या खांद्यावर घेतली? त्या माणसाचे कर्तृत्व काय अफाट  होते ! असल्या फालतू आयपीएल ट्रॉफ्या दोन-चार वेळा जिंकून फेकून दिल्या त्याने पण तब्बल दोन वेळा वर्ल्डकप सन्मानाने खांद्यांवर मिरवला. तुलाही तसाच मिरवताना आम्हाला बघायचे आहे रे..

अरे सोन्या, २००३ च्या वर्ल्डकप फायनलचा पराभव ह्या फुटकळ सहा पराभवांपेक्षा कितीतरी जास्त वेदनादायी होता रे.

अरे दे सोडून ते आयपीएल...आणि लाग वर्ल्डकपच्या तयारीला...सगळे आयपीएलच्या मैदानावर तूला शोधत बसतील..अन तू वर्ल्डकपच्या मैदानातून दिवारमधल्या बच्चनस्टाईलने उत्तर दे..

"तुम लोग मुझे वहा धुंड रहे हो और मैं तुम्हारा यहा इंतजार कर रहा हू !!!"

अब आयेगा मजा खेल का !!

-- चिनार